रैनादेवी छहरा गाउँपालिकामा सम्पन्न तीन दिने अचार तालिम, ६० महिलाको उत्साहजनक सहभागिता
-
भैरब प्रेस संवाददाता
- 10 months ago
पाल्पा-रैनादेवी छहरा गाउँपालिका महिला सिप विकास कार्यक्रमअन्तर्गत तीन दिने अचार तालिम सम्पन्न भएको छ । लुम्बिनी प्रदेश सामाजिक विकास मन्त्रालयअन्तर्गत सामाजिक विकास डिभिजन कार्यालय पाल्पाको आर्थिक सहयोगमा, रैनादेवी छहरा गाउँपालिकाको समन्वय र मितिनी नेपालद्वारा आयोजित उक्त तालिममा ६० जना महिलाहरूको सक्रिय सहभागिता रहेको थियो ।
तालिमको प्रमुख अतिथि गाउँपालिका अध्यक्ष रूक्मागत भट्टराईले तालिमको औपचारिक समापन गर्दै यस्ता सीपमूलक कार्यक्रमहरू महिलाको आत्मनिर्भरता र आर्थिक सशक्तिकरणका लागि महत्वपूर्ण हुने बताउनुभयेा । स्थानीय स्रोत र सीपको उपयोग गर्दै अचार उत्पादन जस्ता गृह उद्योगको माध्यमबाट महिलाले आर्थिक उन्नति गर्न सक्ने हुदा तालिममा सिकेका कुरालाई व्यवहारिकता प्रदान गरि उधम बन्न आग्रह गर्नुभयेा । साथै गाउपालिकाले उधमीहरूलाई गर्नुपर्ने सहयेाग गर्ने बताउनुभयेा ।
कार्यक्रममा गाउँपालिका उपाध्यक्ष युवराज थापा, प्रमुख प्रशासकीय अधिकृत कृष्ण प्रसाद ज्ञवाली, सूचना अधिकृत नारायण मल्ल, कृषि शाखा प्रमुख सिर्जना थापा, वडा प्रतिनिधिहरू तथा मितिनी नेपालका प्रतिनिधिहरू सानीमाया हिस्की, दुर्गा राना, रविता राना, निरु आले लगायतको उल्लेखनीय उपस्थिति रहेको थियो।
तालिमको सञ्चालन मितिनी नेपालकी कोषाध्यक्ष शान्ति झेडी थापाले गर्नुभएको थियो भने स्वागत मन्तव्य उपाध्यक्ष रञ्जना अर्यालले राख्नुभएको थियो। कार्यक्रम मितिनी नेपालकी अध्यक्ष सुनिता राणाको अध्यक्षतामा सम्पन्न भएको हो।
तालिममा सहभागी महिलाहरूले विभिन्न प्रकारका अचार बनाउने सीप सिक्नु भएकेा थियेा ।। उहाहरूले सिकेको ज्ञान र सीपलाई प्रयोगमा ल्याई घरायसी तथा व्यावसायिक रूपमा उपयोग गर्ने योजना बनाएको बताउनुभएकेा थियेा । कार्यक्रमले महिलाहरूमा स्वरोजगार र उद्यमशीलता विकासमा सकारात्मक प्रेरणा दिएको सहभागीहरूको प्रतिक्रिया थियो।
Comments